Armenian Poet, Author, Creative
Անահիտ Պալեան
Կենսագրութիւն
Անահիտ Թորոսեան ծնած է Պէյրութ: Յաճախած է Համազգայինի Նշան Փալանճեան ճեմարանն ու Մեսրոպեան վարժարանը, ապա վկայուած է Պէյրութի Սէն Ժոզէֆ համալսարանէն, մասնագիտանալով համակարգիչի գիտութեանց մէջ: Երկար տարիներ ուսողութիւն (Maths) դասաւանդած է հայկական թէ օտար վարժարաններէ ներս, միաժամանակ աշխոյժ գործունէութիւն բերելով միութենական կեանքին մէջ: 2008-ին հաստատուած է Գանատա եւ 4 տարի դասաւանդած դասաւանդած է Ս. Յակոբ եւ Նարեկ վարժարաններուն մէջ: 2012-էն ի վեր կը գործէ McGill համալսարանի Lachine հիւանդանոցին մէջ, որպէս վարչական համակարգող: 2013-ին, Անահիտ Պալեան եղած է «ՀՈՐԻԶՈՆ» Մանկապատանեկանի խմբագիր, իսկ սեպտեմբեր 2022-էն ի վեր նախանձախնդրութեամբ, մեծ նուիրումով ու գոհունակութեամբ ստանձնած է անոր գլխաւոր խմբագրի դերը: Ան եղած է նաեւ Համազգային Հայ Կրթական եւ Մշակութային Միութեան «Սանահին» մասնաճիւղի վարչութեան աշխոյժ անդամ եւ վարած է բազմաթիւ գրական ձեռնարկներ։ 2022-էն ի վեր ատենադպիրն է Համազգայինի Գանատայի Շրջանային վարչութեան։
Անահիտ ամուսնացած է Վարուժ Պալեանի հետ եւ ունի երկու զաւակներ՝ Բալիկ եւ Վարագ: Իր ասմունքող ու բանաստեղծուհի մօր՝ Ազնիւ Թորոսեանի շնորհիւ, փոքր տարիքէն սիրած է հայ վաստակաւոր բանաստեղծներու ստեղծագործութիւնները եւ որպէս ասմունքող յաճախ հանդէս եկած է դպրոցական, միութենական եւ ազգային ձեռնարկներու ընթացքին: Ասմունքի Երեկոներով, ելոյթներ ունեցած է Մոնթրէալի, Երեւանի եւ Շուշիի մէջ։ Ցարդ ունի մէկ խտասալիկ «ՄԵՆՔ ԵՆՔ ՄԵՐ ՍԱՐԵՐԸ» խորագրով։ Իր բանաստեղծութիւններէն օրինակներ լոյս տեսած են ԱԶԴԱԿ-ի եւ «ՀՈՐԻԶՈՆ» Մանկապատանեկանի էջերուն մէջ։
Follow us on social
Contact Us
Interested in working together? Fill out some info and we will be in touch shortly. We can’t wait to hear from you!